Publico contento cu e iluminacionnan di Pasco den Bernhardstraat

ORANJESTAD (AAN): Den oranan di anochi, Prome Minister mr. Mike Eman hunto cu Minister Rene Herde,

Minister mr. Wendrick Cicilia, parlamentario Otami Thomasia y varios boluntario a presencia e cendemento di e luznan di Pasco den Bernhardstraat na San Nicolas.

   Pa hopi, esaki ta wordo considera un momento historico, y ta marca un paso mas den e proyecto di revitalisacion di Bernhardstraat, caminda pa casi seis luna caba un grupo di boluntarionan ta dedica nan diasabra ta verf cas.

   E ambiente tabata yen di alegria y orguyo, specialmente entre e boluntarionan cu durante e ultimo seis luna a dedica nan tempo liber na e proyecto. Loke a cuminsa cu un grupo chikito di ciudadano cu ta reuni tur diasabra pa verf cas, poco a poco a crese den un iniciativa cu ta haya mas apoyo di nos comunidad.

   Riba combinacion di potret por mira mas di e anochi special aki.