Proyecto Walishali a celebra 'Spantenbier' yegando punto mas halto di construccion

ORANJESTAD (AAN): E proyecto di condominio Walishali, un desaroyo cu ta parti di e grupo ‘W of Aruba’,

a marca un momento importante dialuna 30 di december ultimo ora cu a alcansa su punto mas halto di construccion. E logro aki, conoci den cultura local como 'Spantenbier', a keda celebra cu un encuentro festivo na cual a asisti tur profesional y trahado cu ta aporta na e proyecto, mescos cu na otro invitado y prensa.

   Walishali actualmente ta den construccion na e prestigioso locacion di Eagle Beach, y ta destina pa converti den e proyecto mas grandi y luhoso di W of Aruba. Un bes finalisa na mita di 2025, e lo consisti di 74 unidad di luho cu facilidad moderno, incluyendo un piscina, jacuzzi, gym y lounge riba e rooftop.

Strategicamente ubica algun minuut leu di e miho beachnan di Aruba, Walishali ta priminti un experiencia inigualabel di estilo di bida, combinando elegancia moderno cu e beyesa natural di e isla. Tur e aspectonan aki a contribui cu e proyecto ta completamente bendi caba y varios di e propietarionan tabata presente na e celebracion.

   Na e 'Spantenbier' publico a disfruta di un ambiente festivo durante cual a gradici arkitecto, ingeniero, tur compania y trahado di construccion cu a traha incansablemente pa yega na e punto aki, culminando cu un fabuloso show di vuurwerk.

   “Awe nos ta celebra hopi mas cu e avance di construccion di Walishali,” asina di Giovanni di Vecchia, a bisa como Director di Vecchia Holding y un orguyoso desaroyado Arubiano cu mas di 42 aña di experiencia. “E momento aki ta representa e compromiso, habilidad y pasion di tur involucra den e creaccion di un proyecto cu ta redefini e luho residencial na Aruba. Nos ta orguyoso di contribui na e crecemento y desaroyo di Eagle Beach y di e isla den conhunto.”

E evento tambe a conta cu e presencia di mandatario manera Minister di Turismo Dangui Oduber, kende a enfatisa e importancia di e proyecto pa e sector economico y turistico di Aruba. Como un di e desaroyonan mas grandi di e region, ta spera cu Walishali lo eleva e imagen di e isla como un destino lider pa estilo di bida y inversion di luho.

   Vecchi Estates ta un compania Arubiano di construccion, responsabel pa algun di e proyectonan di mas bunita riba e isla. Cu mas di 40 aña di experiencia den e industria di real estate, ta brinda producto cu un nivel halto di calidad. Algun di e ehempelnan mas destacante pa menciona ta Wayaca Falls y Waykiri.