Proyecto di Agroforesteria fase 2 a cuminsa Diasabra na Sportboys Club

ORANJESTAD (AAN): Riba Diasabra, boluntarionan a pone man na obra pa instala e hardin di alimentacion cu diferente tipo di fruta y berdura.

  Esaki na Sportboys Club na Angochi.

   Awor e miembronan di e club y comunidad di becindario por saca probecho di e bunita proyecto aki y siña con pa come for di nos tera.

   Paso a paso, ta sigui transforma e isla pa uno mas consciente, mas sostenibel y mihor pa nos futuro generacion.

   Minister Arends ta gradici tur cu a participa Diasabra y esnan cu yuda ehecuta e proyecto, e.o. Living Soil Aruba, y tambe departamento di Santa Rosa.