Segun estudio: *Ta urgi suministra dosis di refuerso
ORANJESTAD (AAN): E proteccion contra coronavirus cu e vacunanan di Pfizer/BioNtech y di Oxford/AstraZeneca ta disminui significativamente despues di seis luna, asina a indica diaranson un estudio britanico, unda e autornan ta boga pa un dosis di refuerzo.
Un mes despues di e di dos dosis, e eficacia di e vacuna de Pfizer ta di un 88 %, un proteccion pa contagionan eventual cu ta baha te na 74 % entre 5 y 6 luna despues di e vacuna, segun e ultimo analisis di e estudio Zoe Covid.
Pa loke ta e vacuna di AstraZeneca, e eficacia ta pasa di 77 % un luna despues di e di dos dosis te na 67 % entre 4 y 5 luna despues.
E estudio a wordo realiza a partir di datonan di alrededor di un miyon usuario di e aplicacion Zoe, poni den marcha pa un grupo priva homonimo.
Investigadornan di King's College di London y di e ekipo di Zoe a analiza e datonan di e contagionan cu a sosode entre 26 di Mei y 31 di juli 2021 den personanan vacuna cu a download e App entre dia 8 di December y 3 di juli 2021.
E campaña di vacunacion britanico, cu a administra un di dos dosis na 77 % di esnan mayor di 16 aña, a duna prioridad na e grandinan y e personanan den riesgo, como tambe na trahadornan medico.
Segun e investigadornan di King's College, e proteccion a disminui, mas tanto, den e gruponan aki.
Profesor Tim Spector, cientifico lider di e proyecto, a adverti cu esaki lo por ta "inferior na 50 % den ancianonan y personal sanitario pa winter.
Si e cifra aki ta referi na e contagionan y no na e formanan grave, esaki lo por implica "un aumento di e hospitalizacionnan y di e mortonan", si e pais ta enfrenta nivelnan di infeccion halto y un variante hopi contagioso.
E investigador ta considera asina "urgente provee e dosis di refuerso", como tambe studia si ta cumbini inmuniza e menornan di edad den funcion di e vacunanan disponibel.
Varios pais ta studia e posibilidad di administra un dosis di refuerzo, entre nan Reino Uni cu kier pone e dosis di refuerso na personanan den riesgo entrante September, a pesar di e pensamento di Organizacion Mundial di Salud.
