Prome vuelo di TUI a yega Curaçao procedente di Bruselas

WILLEMSTAD: E siman aki, Curaçao a ricibi yegada di e prome vuelo nonstop di TUI cu a sali for di Bruselas (Belgica).

   E Aerolinea low-cost lo cuminza bula e ruta aki 2 biaha pa siman, esta Diamars y tambe Diasabra.  Gerente di TUI na Europa, Arjan Kers a splica cu tin un interes creciente for di mercado di Belgica pa Curaçao, y nan kier introduci clientenan na tur e buniteza cu Curaçao tin pa ofrece.  Cu e vuelonan for di Bruselas, nan ta trece Curaçao mas cerca di nan.  Pesey e tin hopi confiansa den e ruta nobo aki.

   TUI awor ta bula pa Caribe Hulandes no solamente for di Amsterdam, pero tambe for di Bruselas.