Prome Ministro a logra pa grupo ‘Pasadia Oranjestad’ haya espacio den MFA Savaneta pa reuni

A busca solucion y a haya uno tambe

ORANJESTAD (AAN): Un grupo di 60+ tabatin dificultad pa sigui tene reunion como debe ser.

   Como gobierno e ta di sumo importancia pa mira unda por brinda ayudo y esaki tabata e meta di e reunion di awe cu grupo Pasadia Oranjestad.

   Mirando e opcion di e diferente MFA cu tin riba nos isla, si acaso un di nan por ta adecuado pa un grupo di 60+ asina bunita cu ta trece hende hunto y pasa ora hunto.

   Prome Minister Eman a indica cu den combersacion a compronde cu enberdad e tabata un desilusion grandi pa e grupo, na momento cu nan a keda sin localidad y mesora di su banda a cuminsa traha y busca solucion. A tuma contacto cu e grupo y extende un invitacion cordial pa topa na MFA Savaneta pa asina informa cu ta pone un MFA disponibel na e grupo, pa asina nan por sigui bin hunto y reuni manera nan ta desea.