Prome Ministro a bishita Catharina riba su di 103 cumpleaño

ORANJESTAD (AAN): Esaki tabata un momento di respet y gratitud!  Siman pasa Prome Ministro Mike Eman a haci un bishita special

na Mahuma pa rindi homenahe na señora Catharina Hernandez, kende a celebra impresionante edad di 103 aña.

   Den presencia di famia, incluyendo su yiu muhe Indira Vera, e encuentro tabata marca pa palabra di aprecio, reconocemento y calor familiar pa un bida yen di experiencia, fortalesa y contribucion na comunidad.

   Señora Hernandez ta un ehempel bibo di resiliencia y sabiduria, un inspiracion pa generacionnan cu ta bin.  Y el a pone un sonrisa di berdad ora cu e tabata papiando cu Prome Ministro.  Pabien na Catharina, y hopi aña mas di bida.