Prome Minister a despedi di Commandant Frank Boots cu ta bandona Aruba

ORANJESTAD (AAN): Dialuna merdia, Prome Minister Evelyn Wever-Croes a reuni cu Commandant Frank Boots y Commandeur Walter Hansen.

Despues di 3 aña, como commandant naval di defensa den Caribe y director di kustwacht, sr. Boots su contract a finalisa, y e lo bolbe back Hulanda.

   Prome Minister a indica cu e relacion entre Mariniers Kazerne na Aruba cu Marina Real na Curaçao semper tabata uno positivo. Tambe como director di Kustwacht, Commandant Boots tabata tin un bon relacion cu cuerpo policial y otro instancianan local cu ta yuda pa tene nos fronteranan sigur.

   E puesto lo worde traspasa oficialmente diahuebs, 24 di Augustus, 2023, na Curaçao pa commandeur Walter Hansen. Prome Minister ta gradici Commandant Boots pa tur su añanan di trabao, su bon cooperacion, y su esfuerso na yuda tene Aruba su costanan sigur, y ta desea Commandeur Hansen tur clase di exito den su funcion nobo.