ORANJESTAD (AAN): E ta un tipo di accident cu hopi experto ta considera un “distraccion”, pasobra un chauffeur ta druk ta wak un chens pa por subi caminda druk,
pero ta lubida di double-check si e vehiculo su dilanti cu tambe ta wardando un chens, ya a sali of no.
“E mihor manera ta pa keda check pa trafico cu ta yegando, y tambe cada rato bo bira bo cabez y wak si e chauffeur bo dilanti cu tambe ta wardando un turno, a bay caba.
Esaki ta pasando hopi ultimo temponan na rotondenan di Aruba.
Diabierna 11 di Juni den oranan di merdia un accident a keda registra na e entrada di Paperclip Rotonde di Watty Vos Boulevard na Sero Patrishi. Chauffeur di un SUV color shinishi a primi trot y bay dal tras di un sedan color cora cu keto bay ta wardando un chens.
Esaki a bira e di dos accident den menos di 1 luna na e mesun cruzada ey. Biaha Tabata Diamars 18 di Mei cu un chauffeur a kere cu e ta cla pa subi rotonde, y a lubida di check si acaso e vehiculo su dilanti ya a sali caba of no.
Trafico a stagna un poco debi na e accident aki, como cu demas chauffeurnan mester a keda desvia na un forma dificil na e rotonde aki.
