Cantidad di personanan vacuna ta 65.227 - *For di 22 di Mei no tin fayecimentonan relata na Covid
ORANJESTAD (AAN): Crisis Team y Departamento di Salud a raporta cu pa diabierna merdia 16 persona a recupera, mientras cu a registra total 3 caso nobo di Covid-19, di cual 2 ta no-residente.
E cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 407 test.
'Positivity rate' entre residentenan ta 0%.
Casonan activo ta 15 (12 residente). E cantidad di fayecido relaciona cu Covid-19 ta 107. Por tuma nota cu for di dia 22 di Mei e cifranan di fayecimentonan relata na Covid-19 no ta cambia.
Pa loke ta e vacunacion, DVG a informa cu e cantidad di personanan vacuna ta 65.227 locual ta representa mas cu 65% di e poblacion di 18 aña bay ariba.
