Procesion na honor di Beato Jose Gregorio Hernandez den 150 aniversario di su fecha natal

ORANJESTAD (AAN) — Señora Azucena Henriquez (Sussy), Fundador di e Cas di Oracion di Beato Dr. Jose Gregorio Hernandez,

y alavez e ta presidente di e Fundacion, den un entrevista cortico cu DIARIO, a elabora tocante e celebracion di e fecha natal di e Beato.

Diamars 26 di October aki, ta e di 150 aniversario di e natalicio di Beato Jose Gregorio Hernandez y pa conmemora esaki a organiza un procesion for di Cas di Oracion te Misa Birgen di Fatima na Dakota, y Diaranzon 27 a celebra un Santo Sacrificio di Misa na honor di e Beato.

Sussy Henriquez a expresa palabranan di gradicimento cu a pone un piedra pa colabora cu e reapertura di e Cas di Oracion, cu a tuma lugar cuater siman pasa despues di seis pa ocho aña di ta cera. E sitio di oracion a wordo drecha paden y pafo y e tabata un exito. Sussy Henriquez reitera su gratitud pa esnan cu a coopera y ta desea pa nan sigui coopera cu e Cas di Oracion Beato Jose Gregorio Hernandez. E dama a gradici prensa pa su sosten.