Probechando di vacacion un grupo di Paradera a bishita Elmar

ORANJESTAD (AAN): Recientemente na NV Elmar, a ricibi bishita di e asina yama “Grupo Curason Jong Paradera”,

cu a bay mira tur loke e compania di electricidad ta haci patras di cortina.

    Segun Elmar a splica, tabata un placer pa presenta na nan informacion tocante e compania, den cuadro di distribucion di coriente, proyectonan andando, splicacion riba pago online y 'compronde bo cobransa'.

   Tambe, a duna nan un tour rond di nos facilidad pa explora e Smart Grid, Smart Meters, y mira nan exhibicion di pintura '100 Aña di Distribucion di Coriente'. NV Elmar ta contento cu nan entusiasmo pa siña mas tocante nan trabao y nan reaccion positivo.

   Pa esnan interesa den ricibi informacion of explora trabao di ELMAR, nan ta encurasha boso pa asisti na e Open Dag di ELMAR, cu ta tuma lugar un biaha pa aña. E Open Dag ta consisti di demostracionnan di diferente Departamentonan di Elmar, manera Meterafdeling, Lineman, Kabelafdeling y mas. Keda pendiente pa mas informacion riba nos siguiente Open Dag!