Traspaso di mando:
ORANJESTAD (AAN): Durante traspaso di manda pa Carnaval 71 Diadomingo mainta, e Prinsnan y Panchonan a expresa nan deseonan.
E deseonan semper ta inclui deseonan chistoso y tambe deseonan serio.
Un di e deseonan expresa Diadomingo ta pa cambia e stoelnan di parlamentario pa recliners, pa asina nan por drumi y sosega na un manera mas confortable.
Tambe a desea pa Prome Minister cumpra un avion priva pa asina bay Hulanda na un manera mas barata.
Otro idea di e Prins y Panchonan cu a ricibi hopi aplauso ta e sugerencia pa minister di Enseñanza prohibi scolnan di duna CP of SO durante di temporada di Carnaval.
Tambe a bin dilanti e pensamento pa pone mas polis drumi den barionan unda cu no tin ainda.
E hobennan a sugeri pa Gobierno pone air freshener den e mulina di The Mill pa core cu e mal holor cu por afecta e area di hotel.
