Prinses Beatrix a admira plannan di Parke pa restaura mangrove

ORANJESTAD (AAN): Den oranan di atardi, Prinses Beatrix a bay mira di cerca e trabao cu Parke Nacional Arikok ta haciendo pa yuda restaura y recupera mangrove.

   E mangelnan a lo largo di costa di Aruba ta hopi importante pa medio ambiente, no djis pa e proteccion di costa, sino pa bida marino tambe.

   Ora cu a yega e area di Franse Pas pa bay Rooi Taki, aki Prinses Beatrix a topa cu CEO di Fundacion Parke Nacional Arikok, esta Tyson Lopez, kende a duna guia y pasa e splicacion di e proceso na su expertonan pa mustra riba e plannan cu ta wordo ehecuta caba.

   Di e forma ey, Prinses Beatrix a mira di cerca e parti di e proyecto andando relaciona cu e reservacion di mangrovenan.  Tambe a mustra material cu ta wordo usa pa asina bao di awa salba y produci coralnan nobo.