ORANJESTAD (AAN) - E siman aki mes DIARIO a publica e informacion, con tarifa di gasolin ta subiendo na varios pais regional,
y ultimo esey a socede tambe na Suriname caminda cu e mercado mundial ta hungando un rol importante. Hasta na Hulanda, prijs di gasolin a subi bastante.
Riba Diamars mainta, Minister di Finansas, Asuntonan Economico y Cultura a anuncia e prijsnan nobo di benta di combustibel entrante awe Diaranson 12 di mei 2021.
Gasoline unleaded-premium ta bay subi cu 0,5 cent, pa wordo bendi awor na 222,1 cent pa liter. (E prijs ayera tabata 221,6 cent pa liter).
Diesel LS ta baha cu 1,2 cent, pa wordo bendi awor na 174,6 cent pa liter. (E prijs ayera tabata 175,8 cent pa liter).
Kerosine ta baha tambe cu 0,5 cent, pa wordo bendi awor na 174,6 cent pa liter.
Tur e prijsnan ta inclui BBO, BAZV, y BAVP.
Por nota pues cu ta menos di 1 cent e prijs di gasolin a subi, toch ta basta suave.
