ORANJESTAD (AAN): Parlamentario Endy Croes durante Openbare Bijeenkomst unda Parlamento a trata e Rapport Forensico di RdA a repasa e capitulo 7 bou titulo Bevindingen Advertentie en Marketingkosten cual ta cuminsa na pagina 139.
E capitulo aki ta amplia riba entre otro Tera Group. Di acuerdo cu e rapport ta splica riba pagina 139 cu e Directuernan di e compania Tera Holding NV ta Patrick Ronald Paskel desde 15 di december 2010 y Xiomara Miloushka Paskel De Cuba per 1 Januari 2016.
/// Patrick Paskel a cobra 500 mil den RdA sin contract:
Di acuerdo cu e rapport Tera Group y PAXI tanto di Patrick Paskel y Xiomara Paskel a cobra na un manera sin berouw y sin escrupulo y sin contract sumanan cuantioso di RdA. Riba pagina 139 tin para lo siguiente: “ Door zowel de heer Koolman als mevrouw V. Croes is verklaard dat GEEN schriftelijk contract is aangegaan met Tera Group. Door Forensic Team is in de admistratie aangetroffen een email gedagtekend 2 oktober 2016, verstuurd door de heer Patrick Paskel van Tera Group naar mevrouw Francie Solognier Croes.”
Pues Patrick Paskel , net esun cu kier lastra TUR minister di Gabinete Wever Croes sin ningun clase di respet awe ta sali na cla con haragan pa no bisa LADRON nan ta. Tur esaki cu cooperacion di Mike de Meza, Mike Eman y Richard Arends, Croes a expresa.
/// Algun pagonan di RdA na Tera Group:
Algun pagonan haci na Tera Group y Patrick Paskel cu a resalta ta entre otro Afl. 37,592 pa welcome RdA & FMSA, Afl. 37,696 pa reopening di refineria, Afl. 23,211 pa un video, Afl. 10,918 pa huur portable rest rooms.
Pa completa e serie di cobransanan net den porta di eleccion na 2017 pa ta exacto 12 di september 2017 Patrick Paskel via Tera Group a cobra Afl. 49,996 florin pa Inauguracion Bio Pilot Project ( Algen), y pa su mañan Patrick Paskel di Tera Group esta 13 di september 2017 a bolbe cobra un bunita suma di Afl. 49,996 florin.
Pues 100 mil florin den 2 dia a strica 100 mil florin. Asina tin 500 mil florin cu a wordo paga na Tera Group y mas tristo sin contract pues solamente via un email di Patrick Paskel. Pueblo di Aruba ta kere ta bale la pena pone bo voto di confiansa den partido AVP pa e bagamunderianan bolbe bek?
Bon ta cu e rapport ta na Ministerio Publico y cosnan asina hamas lo por bolbe pasa. Esnan responsabel carga nan responsabilidad. Segun Parlamentario Croes cu RdA mester un “clean up” total.
