Diesel lo subi cu 11,1 cen
ORANJESTAD (AAN): Ultimo simannan por a nota con na varios pais den region, cu nan prijs stipula pa gasolin a subi. No djis gasolin Unleaded, pero Diesel Low Sulphur (LS) tambe.
Por a nota esey e.o. na Republica Dominicana y tambe Bonaire, unda prijs di Gasolin y Diesel tambe a subi, y ta indica cu esey ta debi na desaroyo mundial pa cu prijs di crudo.
E siman aki na Aruba, ta in e di 2ndo Diaranson di luna, cu ta esun caminda cu ta stipula prijs nobo pa combustibel.
Minister di Finanzas, Asuntonan Economico y Sector Primario ta anuncia e prijsnan nobo di benta di combustibel entrante awe Diaranson 9 di Juli 2025:
Gasoline Unleaded-premium ta bay subi awe cu 2,3 cen, pa asina wordo bendi di awor en adelante na 229,0 cen pa liter.
Diesel LS ta subi cu 11,1 cen, pa asina wordo bendi na 196,7 cen pa liter.
Kerosin ta subi cu 8,7 cen, pa asina wordo bendi na 182,3 cen pa liter. Tur e prijsnan menciona aki, ta inclui BBO/BAZV/BAVP.
E proximo fecha cu lo bay revisa y anuncia cambio of no di tarifa di combustibel lo bay ta Diaranson 13 di Augustus 2025.
