Cambio den prijs di productonan petrolero 12 juni 2024
ORANJESTAD (AAN): Manera ta conoci, riba tur 2ndo Diaranson di cada luna, ta haci ahuste na tarifa di combustibel na Aruba.
Minister di Asuntonan Economico, Comunicacion y Desaroyo Sostenibel a anuncia e prijsnan nobo di benta di combustibel entrante Diaranson 12 juni 2024:
Gasoline unleaded-premium lo baha cu 11,4 cen, pa wordo bendi awor na 257,6 cen pa liter.
Diesel LS ta baha cu 10,5 cen, pa wordo bendi awor na 217,7 cen pa liter.
Kerosin ta baha cu 12,9 cen, pa wordo bendi awor na 198,7 cen pa liter. E prijsnan ta inclui BBO/BAZV/BAVP.
Prijs di crudo: E caida di prijs aki ta bin na diferente factor, y uno di nan sigur ta e caida fuerte pa mas di un siman caba di prijs di crudo. Diamars (ayera) mes, e prijsnan a cay aun mas, debi cu mercado ta wardando anuncio importante di economia di Merca. Tambe el a baha debi na e forza di Dollar aworaki.
Siman pasa mes, e.o. crudo Brent a conoce e tarifa abao bek, comparabel cu loke e tabata na Februari cu a pasa.
