ORANJESTAD (AAN): Eleccion 2021 ta tras di lomba na Aruba. En conexion cu e eleccion di Diabierna 25 di Juni 2021
pa escoge miembronan di Parlamento di Aruba, riba Diasabra mainta Gobernador Alfonso Boekhoudt a ricibi Presidente di Conseho Electoral, esta Glenn Thodé, pa un audiencia. Esaki na Gabinete di Gobernador.
Na e ocasion aki, Gobernador di Aruba y señor Thodé a papia tocante e proceso di e eleccion. Tambe a informa Gobernador Boekhoudt tocante e resultado preliminar di e eleccion. Dialuna mainta Gobernador ta inicia e proceso di formacion pa un gabinete nobo.
E potret aki pa cortesia di Gabinete di Gobernador.
