President Neven Ilic a yega Aruba pa reunionnan di Comite Ehecutivo di Panam Sports

ORANJESTAD (AAN): Manera DIARIO a trece dilanti den su edicion di Dialuna, e siman aki lo bay tin dos dia historico di reunion na Aruba,

ora cu Comite Ehecutivo di Panam Sports a escoge Aruba pa tene nan conferencia.

   Ya caba di Diadomingo anochi, miembronan di directiva y directornan di Comite Olimpico Arubano (COA) a ricibi Presidente di Panam Sports, Neven Ilic y su ekipo na aeropuerto.

   Cu esaki ta cuminza e siguiente dianan di reunionnan cu diferente stakeholders importante pa deporte y e reunion di Comite ehecutivo di Panam Sports cu lo tuma luga diamars y diaranson, unda tur 30 miembro di e Comite lo yega Aruba den transcurso di e dia di awe.