Presentacion na Biblioteca Nacional a resalta e importancia di Papiamento y su evolucion

Linguista Ramon Todd Dandaré a comparti datonan valioso

ORANJESTAD (AAN):   Diaranson anochi a tuma lugar na Biblioteca Nacional e di dos charla presenta pa e linguista Ramon Todd Dandaré den cuadro di Dia Internacional di Lenga Materno.

            E tema di e presentacionnan tabata 'Evolucion y emancipacion di Papiamento, di Lenga di catibo pa lenga di Universidad'. E biaha aki, Todd Dandaré a elabora riba aspectonan masha interesante relaciona cu e evolucion di Papiamento.

             El a referi na literatura oral y literatura skirbi, Papiamento den teatro, medio di comunicacion masivo na Papiamento, Papiamento, economia y politica, emancipacion di Papiamento y algun referencia

            Un sala yen a disfruta di e datonan importante tocante Papiamento den un etapa mas recien. Tabata un anochi hopi valioso pa siña un tiki mas tocante Papiamento.

            Na final e publico a participa cu pregunta, aporte y tambe inkietudnan. Masha pabien pa e bunita anochi aki.