Presentacion di e buki “St. Eustatius: Restoring Our Ties” di Dr. Artwell Cain

ORANJESTAD (AAN)-- Señor Mirto Lacle, Linguista y Gestor Cultural di Biblioteca Nacional Aruba, 

a haci un presentacion na BNA, di e buki nobo “St. Eustatius: Restoring Our Ties”, skirbi pa e autor Dr. Artwell Cain.  

Cain ta un Antropologo cultural y investigador independiente, cu ta boga pa reconoce e 69 personanan di antecedente Africano cu tabata dera, y cu a wordo saca for di nan graf na e isla di St. Eustatius.  E presentacion na Biblioteca Nacional a conta cu musica y baile tradicional. 

Señor Lacle a gradici pa e oportunidad aki, y a expresa cu esaki ta un anochi di kita sombre. El a sigui cu su relato y a bisa cu kiermen cu awe e Isla Sint Eustatius (Stesha) t’aden. “Y nos ta masha contento cu hopi descendiente di nan, nan yiunan, cu a bin aki, ta hende grandi. Entre otro, el a menciona fam Godett, Spanner, Benneth, pues tur e personanan aki cu a bin rindi un homenahe na loke nos ta haciendo aworaki.

Y e homenahe aki ta special na Dr. Artwell Cain, kende for di 2007, kiermen ya nos ta bay pa tanto aña cu ne, ta haciendo e  proyectonan aki, pa pone enfasis riba loke nos ta yama ‘e trata negrera’. Kiermen, e negoshi ey cu nos ta bisa e personanan esclaviza for di Hulanda, caminda e tabata opera como Director di NINsee (Nationaal Instituut Nederlands Slavernijverleden en erfenis) na Hulanda”, Gestor Cultural Mirto Lacle a indica.

Lacle a agrega cu e persona aki a haci posibel cu nos di Aruba, semper tur aña por tabata na Hulanda, pa celebra, conmemora, e topico di Dia 1 di July, y 17 di Augustus ta bin un persona di Corsou pa tene un charla di Tula.