ORANJESTAD (AAN): Ya caba por a mira preparacion ta ser haci na varios punto di benta na Aruba, debi cu containernan cu Kerstboom a yega.
Tur cos ta mustra cu cada uno lo tin un prijs mas halto compara cu añanan anterior, y tur esaki danki na e crisis economico mundial.
E demanda pa Kerstboom e aña aki ta hopi grandi tanto na Aruba como den exterior, y esak ta socede net awor cu tin problema cu transporte, aumento di prijs di shipping, y scarcedad di nan tambe.
Esnan cu a importa na Aruba a indica cu a logra haya tur nan pedido, pero como cu demanda a bira grandi, e prijs original a subi tambe.
Cantidad di Kerstboom disponible mundialmente ta menos debi na situacion di clima cu a stroba nan di crece corectamente, y esey nifica cu prijsnan lo bay ta mas halto cu normal.
Na Merca tambe por nota e tendencia aki tambe, y pa colmo hasta Kerstboom Artificial ta birando scars. E mercado aki tambe a wordo afecta pa e scarcedad. Pues pa fin di 2021, nan ta recomenda tur hende pa no warda te laat pa cumpra uno.
