ORANJESTAD (AAN): E ta un turista cu tabata gusta Aruba, y loke mas el a gusta di su bishitanan na su isla stima,
ta e hecho cu el a cera hopi mas amistad ora e tabata aki. Y e amistadnan aki a keda pa hopi tempo den contacto cune.
Ta trata aki di Rhoda Shur, kende siman pasa Dialuna a fayece na su cas na Brookline, Massachusetts cu edad di 85 aña.
Den su bida, el a logra obtene un titulo di educadora na University of Maine. Pero su interes den negoshi, empuha door di su tata, a pone muda pa Boston pa sigui cu un carera den mundo financiero. Despues di gradua di Business School, el a traha pa Merrill Lynch. Na 1995 el a bay cu pensiun, mientras e tabata trahando pa Morgan Stanley.
Su lugar favorito di vakantie tabata Aruba, y e ta bisa tur hende esey. Y aki el a cera hopi amistad y cada biaha ta bisa tur hende con encanta el a keda cu esey.
El a wordo dera siman pasa Diahuebs na Bangor, Maine na Merca.
