ORANJESTAD (AAN): Un di e weganan di mas popular di Lotto keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Jacinto a haci, y el a gana tambe! Pesey riba Diabierna el a acudi na oficina di Lotto na Playa pa reclama su premio. Despues di a check cu el a pone su firma y su number di banco patras di e ticket, a scan e barcode y mesora a haya confirmacion cu el a gana 12.500 Florin cu Zodiac.
Mesora a start e proceso pa transferi e premio electronicamente pa su cuenta di banco. Jacinto a indica cu e ticket ganador el a cumpra na Martha’s Lottery.
