ORANJESTAD (AAN): Manera DIARIO a anuncia caba, e sorteo di Lotto di Dia di Diasabra anochi a produci un ganador di e premio gordo di 59.000 Florin.
E ganador a resulta di ta Oscar. El a cumpra su numbernan 07, 10, 12, 18, y 23 y a gana e premio maximo.
Pesey riba Dialuna el a presenta na oficina di Lotto na Playa pa asina e cobra su premio. Aki mesora e empleadonan di Lotto a check si el a pone su firma na e parti patras di e ticket, y asina a scan e barcode.
E computer inmediatamente a reacciona, indicando cu Oscar a gana e premio di 59.000 Florin.
Mesora a cuminza cu e proceso pa transferi e premio electronicamente pa su cuenta di banco. Oscar a indica cu e ticket ganador mes el a cumpra na Suerte Lucky N.
