Premier Eman dunando Contratistanan un pep-talk pa yuda durante ‘Cuida Aruba’

ORANJESTAD (AAN): E siman aki, Prome Ministro Mike Eman a bishita sede di DOW na Sabana Blanco, unda cu a reuni cu contratistanan.

   Cu e bishita aki, Premier Eman a suministra e contratista chikito mas informacion tocante e siguiente dia di Cuida Aruba.

   Como parti di e segundo edicion di Cuida Aruba, Gobierno di Aruba hunto cu su partnernan a anuncia e seis localidadnan cu lo funciona como punto pa comunidad deposita desperdicio durante e Dia Nacional pa Cuida Aruba, diasabra 29 di augustus.

   Pero e contratistanan aki lo start caba desde Diabierna 28 di augustus 2026 y lo sigui tambe riba Diasabra 29 di augustus 2026.

    Cu e pep-talk aki, e Contratistanan cu gran amor lo yuda e 2 dianan aki.

   Comunidad tambe por yuda hiba sushi, riba Diasabra 29 di Augustus 2026 for di 7:00 am te cu 12:00 pm, na Veld di Trupial (banda di InSam na San Nicolas), na Veld di Baseball (na Pos Chiquito/Burubundo), na Zona di Desperdicio di EcoTech (Barcadera), na veld di Arsenal (Santa Cruz), na Harbour Arena (Oranjestad), y na veld banda di Colegio Ora Ubao (Tanki Leendert).