Potretnan nobo di Cas Real Hulandes

ORANJESTAD (AAN): Informacion for di Den Haag, ta indica cu riba Diahuebs 21 di Mei, Rey Willem-Alexander hunto cu Reina Máxima,

como tambe Prinses van Oranje, Amalia, y tambe Prinses Alexia y Prinses Ariane, a tene un sesion di fotografia.

   Prinses van Oranje, Amalia tin 22 aña di edad.  Prinses Alexia tin 20 aña di edad.  Prinses Ariane tin 19 aña di edad.

   E potretnan aki a wordo saca den Hollandse Tuin, situa na Park Clingendael, na gemeente Wassenaar cu ta situa na provincia di Zuid Holland, na costa west di Hulanda.  E ta situa como 10 kilometer panort di Den Haag.

   E potretnan ta algo cu nan ta haci anual, y e ta wordo categoriza como ‘voorjaars fotosessies’.  Imagennan ta pa cortesia di Rijksvoorlichtingsdienst na Hulanda.  Potretnan: © RVD.