ORANJESTAD (AAN): Recientemente Setar NV a ricibi e grato noticia cu Setar NV a wordo reconoci como Mitel 2026 Hospitality Partner
otorga pa e compania Mitel. Mitel ta e lider mundial den e mercado di comunicacion corporativo cu ta brinda servicio y producto den e area di conexion y colaboracion.
Pa ricibi e reconocemento aki, Setar NV a cumpli cu varios criteria, incluyendo cierto nivel di benta, certificacion, training y case study. Esaki ta resalta Setar NV su capacidad pa crea experiencianan conecta pa cada bishitante y pa sostene e necesidadnan operacional di hotelnan y companianan enfoca riba turismo. Como un partner specialisa, Setar NV ta provee tecnologia di comunicacion cu ta mehora guest service, optimalisa coordinacion di personal y impulsa eficiencia operacional den e sector hotelero.
Banda di e sector hotelero, Setar NV ta ofrece tambe solucionnan di comunicacion di Mitel pa companianan den otro sectornan na Aruba. Solucionnan cu Setar NV ta implementa ta, entre otro, Hosted PBX, Unified Communications, MiCollab y solucionnan pa Contact Center, adapta pa yuda organizacionnan mehora comunicacion interno, colaboracion y servicio na cliente. Cu esaki, Setar NV ta continua fortalece su posicion como e partner confiabel den innovacion y comunicacion corporativo na Aruba.
