ORANJESTAD (AAN): E Facultad di Ley di Universidad di Aruba a habri porta di Tienda di Ley atrobe dia 3 di October 2026. Esaki sigur ta un bon noticia.
Loke e Tienda di Ley ta haci: E Tienda di Ley ta yuda personanan cu tin pregunta of problema legal y cu no tin suficiente recurso pa paga un experto legal. E ayudo ta consisti di un conseho skirbi of ayudo pa completa formularionan legal. E Tienda di Ley por duna conseho riba diferente terreno legal como labor, huur, daño, contractnan, areglo nan di pago, divorcio, inmigracion y mas.
Si e Tienda di Ley no por yuda a causa di e complexidad di un problema of pregunta, e persona lo haya un indicacion pa acudi na un otro instancia concerni. E Tienda di Ley ta duna conseho so y no ta representa personanan den procedura legal.
Con e Tienda di Ley ta funciona: Studiantenan dedica di e Facultad di Ley lo yuda personanan den e Tienda di Ley. Durante e cita, dos studiante lo scucha bo splicacion di e situacion of pregunta legal. Despues lo determina un estrategia adecua pa bo caso cu yuda di un supervisor. Finalmente, bo lo ricibi bo conseho legal.
Registra pa yega Tienda di Ley: Tienda di Ley lo tuma luga na Universidad di Aruba y lo ta habri riba e siguiente fechanan: 31 di october 2026, tambe 28 di november 2026, dia 12 di december 2026, dia 9 di januari 2027.
Tambe tin riba 13 di februari 2027, y e fecha 27 di februari 2027, tambe 13 di maart 2027, riba 17 di april 2027, tambe 24 di april 2027, y finalmente dia 15 di mei 2027.
Pa un consulta mester di un cita. Pa haci un cita bo por yena e formulario di inscripcion na e website aki:
No duda pa yena e formulario di inscripcion. Nan ta akinan pa yuda bo.
