Ponemento di krans na Santana na Santa Cruz pa recorda 35 aña di fayecimento di libertador Betico Croes

ORANJESTAD (AAN): Partido MEP a conmemora fecha di 35 aniversario di fayecimento di nos Libertador Betico Croes

cu oracion di Pastor Jairo Maduro y ponemento di krans na Santana na Santa Cruz, como tambe un Santo Sacrificio di Misa na Misa na Santa Cruz.

Famia di Betico, hunto cu mandatarionan, parlamentario, y sostenedornan di Partido MEP tabata presente pa honra su memoria.

Dia 26 di november ta recorda cu 35 aña pasa e lider inmortal di e pueblo aki, esta Gilberto François (Betico) Croes a fayece na Utrecht (Hulanda) na e edad di 48 aña, 11 luna  despues cu el a  accidenta tragicamente dia 31 di december 1985, esta na vispera di entrada di nos Status Aparte.