Ponemento di krans na Santana Militar na Curaçao

ORANJESTAD (AAN)/Willemstad:  Exactamente sesenta aña pasa, dos sambuyado di Marina mester a  sambuya saca un arma ‘lihe lihe’ den haf den cercania di Marinebasis Parera. Sinembargo nan niun di dos a bin bek na superficie cu bida.

                Na e Santana Militar na Roodeweg na  Willemstad, Diaranzon cu ta tras di lomba, Defensie Duikgroep (DDG) a recorda e accidente tragico aki, poniendo un krans y a duna un discurso.

                Tabata e Oficial di Intendencia y bushi Herman Burger y Gerrit ten Donkelaar di apenas diesocho aña di edad, cu tabata matros, coki y  sambuyado asistente, cu dia 30 di April 1963, a perde nan bida durante nan labor.

                “Cada di tres Diahuebs den luna di November, DDG na Den Helder ta recorda nan y tres otro sambuyado di Marina, cu desde 1963 a perde nan bida durante nan labor”, asina Sander Cool, Comandante di DDG ta bisa. “Awor cu nos ta riba e isla pa ehercicionan di buceo, ta precisamente sesenta aña cu Herman y Gerrit a fayece, y nan ta e unico entre e cinco nan, dera aki  na Curaçao, y nos lo ke menciona nan nomber.”

Un accidente tragico

                Riba Aña di La Reina, 30 di April 1963, habitantenan den Region Caribe Hulandes ta prepara nan mes pa oubade di muchanan di school y pa e parada Militar trece pa trupanan di e Comando di Forzanan Naval na Antia Hulandes.

                E tripulacion di Hr.Ms. Rotterdam ta casi yegando fin di nan trayectoria na Antia Hulandes.  Como ultimo ceremonia di nan estadia, un parti di e tripulacion ta participa ainda na un parada, pasa den centro di Willemstad.

                Ora cu na un dado momento di descuido un arma ta cay den laman, e Oficial di Intendencia  y e sambuyado asistente mester saca esaki cu rapides for di laman bini ariba cu ne. Pero e accion di buskeda ey a termina den un tragedia. A lubida di stop e pomp cu ta hala awa aden.

                Door di e forza cu tabatin den e tubo di admision di awa, esaki a chupa Gerrit hal’e bay cu ne den e roster. Probablemente Herman tabata kier a yuda Gerrit y esey a resulta fatal.

                “Como recordatorio di e importancia di seguridad na e luga di labor, ta importante pa tene un conmemoracion”, segun Comandante Cool. “Como conscientisacion. Como respet pa e aporte y e gran sacrificio cu nan a haci, y como respet den direccion di famianan sobreviviente.”