Ponemento di e prome piedra di Stichting Hunto

ORANJESTAD (AAN):  Diaranson mainta a tuma lugar ponemento di e prome piedra di loke ta bay bira Stichting Hunto.

Minister di Husticia y Asuntonan Social Rocco Tjon den presencia di Prome Minister Evelyn Wever-Croes, demas mandatarionan, Parlamentarionan y profesionalnan den veld a bishita e sitio caminda ta bay construi e edificio nobo.

             "Stichting Hunto' ta un proyecto caminda ta bay uni FMAA y SPD, pa asina atende mucho mas miho cu varios reto den cuadro di salud mental y adiccion.

            Den presupuesto 2022 a tene cuenta cu e proyecto aki caminda tur e fondonan ta bay wordo poni hunto, pa di e forma ey por haci mucho mas cu e recursonan limita cu tin.

                Door di uni e dos instancianan, e ta percura pa brinda henter comunidad un miho servicio, pero tambe lo percura pa procesonan ta mas miho alinea na otro pa trata cu e tematicanan di salud mental y adiccion.

            Ta premira cu lo termina e proyecto aki, na inicio di 2023.