Polis y KidsAruba a parti 10 basket pa famia di menos recurso

ORANJESTAD (AAN): Un organisacion cu yama KidsAruba cu ta nifica “Kabouter innovando den siñamento” encabeza pa juffrouw Rozanne Clement,

e aña aki a bolbe organisa un gesto noble di entrega dies basket na famia di menos recurso den comunidad.

            Sin pensa dos biaha polis di Oranjestad dicidi di participa un biaha mas den e proyecto aki cu a hiba e nomber di “proyecto Cariño”. Esaki ta di dos biaha cu ta haciendo un bunita gesto bek pa e famia cu mas mester di dje.

            Den un caravana a sali hunto y bishita diferente bario rond di Aruba. A cuminsa for di Noord t’e cu San Nicolas. Asina tambe treciendo felicidad na famianan cu mas mester di dje den e temporada aki.     Gratitud y alegría tabata reina na momento di haci e entrega aki. Cuerpo Policial Aruba ta orguyoso un biaha mas di por haci esaki pa asina cada famia por pasa un Pasco cu felicidad y den bon harmonia.