ORANJESTAD (AAN): Mirando e discusion cu tabata tin e dianan aki relaciona cu chauffeurnan cu a ricibi multa pa core cu glas getint, prensa a puntra minister di Husticia Rocco Tjon riba e ultimo desaroyonan rond di esaki.
Durante un conferencia di prensa Diahuebs mainta e mandatario a contesta prensa brevemente riba esaki.
Tjon a bisa cu el a atende mesora cu e asunto di tint.
“E ta un discusion cu tin pa mas cu 10 aña caba, unda cu tin discusionnan riba e parti huridico y riba e parti di maneho”.
Tin un discusion cu a wordo tuma den pasado caba, unda cu a dicidi pa no haci control riba uso di glas getint y pesey Diaranzon mi a papia cu Alto Comisario Suplente di esaki y el a bisami cu e no tabata na altura di e decision aki.
Pa motibo ey a stop mesora cu e controlnan riba glas getint, mientras cu esnan cu a haya un multa pa esaki den e dianan cu a pasa no lo tin cu paga esakinan, pasobra e boetnan ey lo no wordo procesa, segun Tjon.
