Minister Geoffrey Wever: --- ORANJESTAD (AAN): Sindicato di SETAR ta alega cu a base di e 'uitvoeringsrapportagenan' di 2021 di e prome, di dos y di tres kwartaal
por mira cu tin informacion cu no ta tur entidad ta contribui cu e 12.6% di recorte. Asina Minister Geoffrey Wever a duna di conoce diahuebs mainta den un conferencia di prensa.
Esaki ta informacionnan den e siman aki di tempo cu a pidi pa trece nan hunto y por wak si e ponencianan cu nan ta alega ta corecto of no, e mandatario a remarca.
Gobierno ta pensa cu si mester haci un analisis pa wak kico e situacion real ta. E punto di salida di gobierno ta cu tur empleado publico mester ta solidario y pa por establece esey mester haci un analisis, a splica.
Aworaki ta pidi un siman pa wak unda ta para pa ora di tuma un decision por a analisa tur hecho of pruebanan. "Esey pa mi ta hopi importante", a expresa.
E mandatario a bisa e sindicato di SETAR cu no por priminti nada sin tin "feitennan" mi dilanti. Pa tuma un decision corecto mester tin bon informacion.
