Ysatis Kelly, Praktijkondersteuner Huisarts
ORANJESTAD (AAN): Ysatis Kelly, Praktijkondersteuner Huisarts a splica funcion di POH-GGZ (praktijkondersteuner huisartsen voor geestelijke gezondheidszorg), cu ta traha hunto cu doctor di cas y ta brinda servicio na pashentnan cu tin problemanan di salud mental.
Hopi biaha docternan di cas tin solamente 10 minut pa atende un pashent, sigur si ta necesario, nan ta traha un rato mas cu e pashent, pero cu un POH-GGZ por guia e pashent y tuma mas tempo pa yuda nan cu nan problemanan di salud. A base di e kehonan di e pashent lo evalua si nan mes por atende of mester sigui pa haya atencion di un specialista. Segun Kelly, hopi biaha nan mes por atende e casonan y no mester verwijs na un specialista, algo cu ta bira mas caro pa cuido medico en general.
POH-GGZ ta traha cu pashent di tur edad y tur tipo caso cu tin di haber cu salud mental, manera depresion, ansiedad, problema di relacion. Actualmente Kelly ta trahando solamente cu doctor Tromp, pero e idea ta, como esaki ta un funcion nobo, pa mas doctor di cas lo por tin un POH-GGZ disponibel pa nan pashentnan.
