Den un cantidad di posibilidad autoridad mester descubri e berdad - *E ultimo dia den su bida a crea un misterio yama Poentje Castro - *Historia criminal ta sostene thesis cu awe ta topico di dia atrobe
ORANJESTAD (AAN) — “Un dia den bida” a bira e marca di Poentje Castro. Na momento cu el a scoge e titulo aki pa su programa, e no por a pensa cu “Un dia den su bida” lo a bira uno di e misterionan mas grandi cu autoridad na Aruba mester resolve.
Awe aparentemente ainda e tarea di Poentje pa expone casonan na televidentenan di Aruba no a termina. Mas cu diez aña despues di su morto, e ultimo dia di bida di Poentje mester entrega prueba na historia criminal cu e crimen perfecto no ta existi.
Aruba ya a pensa cu morto di Poentje lo a bira un misterio na momento cu a wordo anuncia cu posibelmente e caminda pa un solucion a habri.
Topico di awe, e morto di Poentje Castro, ta mustra riba e variedad di motibonan cu por tabata tin pa Poentje Castro tabata tin un enemigo cu kier a mira su morto. Na mes momento e ta mustra riba e peliger pa un persona den su rabia sin cu ta su intencion of intencionalmente menasa otro persona cu morto.
E variedad di motibo cu tin pa Poentje Castro a bira, manera tur cos ta indica, victima di asesinato, ta bini dilanti.
Na prome luga e tabata un persona cu por wordo considera periodista, cu pa e contenido di e trabou, por bira victima di crimen manera tanto caso parecido a demostra.
Poentje a bira conoci pa e forma cu e ta atende cu informacion pero den su bida priva tambe tabata tin aspectonan segun situacionnan ta aparenta, cu ta haci cu por tabata tin motibo sentimental cu un hende lo kier a atenta contra su bida.
Otro trabou cu e tabata eherce tabata dicidi riba e forma cu seguro lo a cubri gastonan di vehiculonan accidenta cu ta uno di e trabounan den cual tambe por tabata tin interesnan.
Pues tabata tin suficiente angulo pa investigacion cu nunca a duna resultado y a haci cu mayoria di hende a pensa cu dia 22 di december 2010, un crimen perfecto a dicidi cual tabata e ultimo dia di bida di Poentje Castro.
Autoridad lo presenta e prueba cu mester duna tempo na tempo pa un misterio wordo resolve? Con ta posibel cu despues di tanto tempo, por descubri berdad di un suceso criminal?
Historia criminal atrobe ta duna hopi prueba pa esaki.
Na prome luga tin e personanan cu durante nan bida largo, ta mantene silencio riba un berdad scondi. Ora nan hora di despedi di e mundo aki yega, nan concenshi ta cuminsa papia y nan ta pidi pa papia cu un representante di autoridad pa nan duna tur informacion cu nan tin.
Nada ta keda scondi ora mas cu un persona ta na haltura pasobra tur persona tin un “bon amigo” cu nan ta confia.
Otro posibilidad pa origen of autor di un crimen bira conoci, ta sconde den un hecho nobo, cu ta conduci na e fuente di e loke a bira misterio.
Tambe ta socede, cu un investigador pa un motibo of otro, ta bolbe studia tur loke a pasa y ta descubri loke otro no a mira mientras cu tecnologia moderno tambe ta brinda persecucion penal metodonan nobo pa soluciona crimennan.
Diferente motibo por ta base di e hecho cu awe Poentje Castro ta bolbe den noticia. E lo divulga awe, loke e no a haya oportunidad pa bisa ora el a wordo sorprende pa morto?
Sin duda awe hopi cu na un forma directo of indirecto a atende cu e caso Poentje Castro ta sigui tur detaye. Pa historia criminal y pa persecucion penal cu awor por conta cu metodonan moderno y hopi avansa pa studia y conclui un caso criminal, manera coleccion di data computerisa, un caminda nobo a habri pa duna prueba cu e crimen perfecto no ta existi.
