ORANJESTAD (AAN): Durante lanzamento di e campaña di FADA # Amigo Didi Diamars, Michella Matos-Croes di Fundacion Zinia tambe a hiba palabra.
El a trece dilanti cu Zinia a traha hunto cu FADA pa asina yuda concientiza pueblo di Aruba riba con importante e ta pa bo tin un Amigo Didi.
“E campaña cu a sali awe y ta riba Facebook caba ta ilustra locual hopi hende sa caba, pero ainda falta pa nos sigui traha y esey ta e meta tambe di # Amigo Didi”.
Pesey nos kier invita tur hende pa ‘Like’ y ‘Share’ e video.
Laga nos den e ‘comments’ kico boso ta pensa di e video y ban wak co leu nos ta yega den e luna di September, segun Matos-Croes.
El a mustra tambe riba e hecho cu ultimamente tabata tin hopi incidente y accidente relaciona cu uso y abuso di alcohol y pesey e pregunta ta keda cu si bo sa mes kende ta Amigo Didi, si bo ta haci uso di esaki.
