ORANJESTAD (AAN): Den oranan di anochi, tanto Polis como Ambulans a acudi cu urgencia na un cas na Sabana Blanco,
como cu yamadanan a drenta cu algo serio a socede eynan. Bisiñanan tambe a yama debi cu a tende gritonan di auxilio.
A resulta cu un dama cu tabata na e cas ey, a wordo ataca door di un cacho Pitbull cu ta pertenece na e señora habitante di e cas.
E cacho a keda morde e dama pa mas di 30 seconde largo, y esaki a causa heridanan severo na su curpa, cu cuero, musculo, y nervionan afecta.
Ambulans a yega rapido, y nan a core pone verband na e heridanan, incluyendo bao di su rudia robez. A bay cune rapidamente Hospital, unda mester a yama specialista pa acudi na sala di emergencia pa atende e dama herida. E proceso di recuperacion ta hopi largo, como cu e daño causa ta bastante.
Oficialmente Polis no a pone nada di e suceso aki den nan rapport, pues no ta conoci kico a pasa despues cu e cacho.
