ORANJESTAD (AAN): Cu Aruba a alcansa un piek di casonan tin di haber cu diferente aspecto.
Segun Crisis Team Leider, Sharline Koolman a duna di conoce cu un di nan tabata tin di haber cu personanan cu a bin di afo. Y mas cu claro e virus ta viaha hunto cu hende. E parti ey ta hunga un rol.
Pero na momento cu e personanan ta yega Aruba y ta mantene na e reglanan ta evita esey.
E contagio pa motibo di fiesta of reunionnan, esaki ta un tendencia mundial, Koolman a enfatisa.
"Nos no s haci e 'bron-en-contactonderzoeknan' asina intensivo mas, pero di locual nos por saca afo te cu siman pasa ongeveer tabata cu mas tanto tabata ainda den clubnan nocturno. Esey tabata esun cu hendenan tabata meld mas tanto. Casnan tambe, pero no mesun fuerte (...) cu e clubnan nocturno".
Datonan ta mustra cu e clubnan nocturno tabata e caminda unda un hende a topa un otro hende cu no ta den e cas, y un di nan a trece den e cas y eynan a bin e contagio, Sharline Koolman a declara.
