ORANJESTAD (AAN): Departamento di Infrastructura y Planificacion (DIP) a anuncia cu desde 1 di januari 2022 a drenta na vigor diferente servicio nobo digitalisa online pa aplicacion.
E proceso aki ta uno cu a tuma su debido tempo pa organisa y prepara pa e por bay wordo implementa. Di e forma aki DIP ta dal un paso importante den modernisa su servicionan na comunidad y alaves haci e proceso mas transparente, eficiente y husto pa e cliente.
Desde prome di januari 2022 un ciudadano of comerciante por a haci uzo di su computer, iPad of telefoon pa subi e website di DIP y haci su aplicacion online mes. E persona of compania interesa por yena e formulario digital disponibel.
𝘌 𝘴𝘦𝘳𝘷𝘪𝘤𝘪𝘰𝘯𝘢𝘯 𝘤𝘶 𝘢 𝘸𝘰𝘳𝘥𝘰 𝘥𝘪𝘨𝘪𝘵𝘢𝘭𝘪𝘴𝘢 𝘵𝘢:
-𝘗𝘦𝘵𝘪𝘤𝘪𝘰𝘯 𝘱𝘢 𝘶𝘯 𝘵𝘦𝘳𝘦𝘯𝘰 𝘦𝘳𝘧𝘱𝘢𝘤𝘩𝘵 𝘳𝘦𝘴𝘪𝘥𝘦𝘯𝘤𝘪𝘢𝘭.
-𝘗𝘦𝘵𝘪𝘤𝘪𝘰𝘯 𝘱𝘢 𝘶𝘯 𝘵𝘦𝘳𝘦𝘯𝘰 𝘤𝘰𝘮𝘦𝘳𝘤𝘪𝘢𝘭 𝘥𝘦𝘯 𝘦 𝘢𝘳𝘦𝘢𝘯𝘢𝘯 𝘤𝘶 𝘵𝘪𝘯 𝘵𝘦𝘳𝘦𝘯𝘰 𝘥𝘪𝘴𝘱𝘰𝘯𝘪𝘣𝘦𝘭.
-𝘗𝘦𝘵𝘪𝘤𝘪𝘰𝘯 𝘱𝘢 𝘱𝘦𝘳𝘮𝘪𝘴𝘰 𝘥𝘪 𝘱𝘳𝘦𝘤𝘢𝘳𝘪𝘰.
-𝘛𝘢𝘮𝘣𝘦 𝘱𝘰𝘳 𝘳𝘦-𝘪𝘯𝘴𝘤𝘳𝘪𝘣𝘪 𝘱𝘢 𝘵𝘦𝘳𝘦𝘯𝘰 𝘳𝘦𝘴𝘪𝘥𝘦𝘯𝘤𝘪𝘢𝘭.
Pa comunidad ta miho informa di e paso innovativo aki, DIP lo organisa anochinan informativo pa asina un y tur por ta na altura di con pa haci bon uzo di e servicio nobo digitalisa aki cu DIP ta ofrece comunidad.
