Piedra Plat cu su propio grupo adulto activo

ORANJESTAD (AAN) - Diamars 8 Augustus ultimo C.B. Piedra Plat a organisa un anochi di informacion pa nos grandinan 55+.

E team cu a bin ta preparando esaki tabata bin trahando for di algun siman atras y e team ta consisti di Vera Angela como presidente, Aureen Werleman como secretario, Ivi Kelkboom como tesorero y como comisario ta Henky Croes, Ludwina Werleman y Roly Werleman.             Oficialmente e grupo di 55+ cu kier logra un grupo di 50 persona, lo cuminsa reuni funciona tur diamars  cuminzando 5 di September for di 7or pa 9or di anochi y tur reunion lo tuma lugar na C.B. Piedra Plat/C.D. Franklyn Bareño veld di Britannia.

            E grupo tin hopi plannan pa nos adultonan y pronto lo saca un calendario pa cu esaki. Pronto e grupo lo tin nan propio facebook page.

            Pa mas informacion por tuma contacto cu presidente Sra Vera Angela celular 6604489.