Caida di prijs di petroleo den e situacion mundial
*Bolbe na ciere di Lago pa haya bista riba desaroyonan real
ORANJESTAD(AAN)—E importancia di petroleo no ta asunto di awe. Ta petroleo a dicidi pa gueranan mundial y economia di Planeta Tera for di momento di industrializacion.
Informantenan di DIARIO ta indica cu nan ta sumamente preocupa cu e forma cu e caida di prijsnan di petroleo ta wordo presenta sin tene cuenta cu e motibo cu nan a subi y bolbe cay.
Pa comprende loke a pasa cu prijs di petroleo mester bolbe na e ciere di Refineria Lago, cu a cera su portanan den un temporada cu rond mundo refinerianan tabata den problema y cambionan grandi den ramo petrolero a presenta.
Azeta a domina mundo durante Segundo Guera Mundial pero te awe ta sigui domina mundo, di cual te ainda e ta uno di e basiconan pa economia di paisnan.
Ayera prijs di azeta a sigui baha. Pero no mester lubida cu e tabata un tempo mas abao pero a cuminsa subi manera fli den e tempo di confrontacionnan serio na decadanan 70 y 80 di Siglo pasa cu confrontacionnan serio na Medio Oriente.
Nada a cambia realmente den tur tempo. E prijs di petroleo a sigui subi pa topa cu su gran enemigo cu tabata Covid-19 cu a interumpi e necesidad grandi di petroleo na momento cu mundo a dicidi cu petroleo ta enemigo di salud di hende y di planeta Tera.
A cuminsa papia di alternativanan pa petroleo pero nunca por a yega na un alternatia real y awe por nota tensionnan grandi di e productornan mas grandi di azeta, cu ta keda Merca, Rusia y Medio Oriente.
DIARIO den combersacion cu expertonan ta analisando prijsnan pero publico mester wordo adverti cu e cambionan den prijsnan mundial ta saliendo completamente for di normalidad y cu control comercial di e resultado di prijs instabil di petroleo por tin efectonan serio pa economia tambe.
DIARIO denj su proximo edicionnan lo sigui amplia riba combersacionnan serio cu ta tuma lugar mundialmente y ta keda den contactonan informantenan clave di e economia y comercio mundial, cu ta seriamente preocupa cu e situacion actual di petroleo, cu ta produci e combustibel cu ta base di turismo pa Aruba!
