Kathy Paskel, director di DIMAS:
ORANJESTAD (AAN)-- Director di DIMAS, señora Kathy Paskel, a indica den entrevista cu DIARIO, cu efectivamente den e temporada di summer vacancy aki, personanan ta biaha mas cu den otro periodonan.
El a splica cu ta hopi importante cu personanan cu tin permiso pone su mes na haltura si e mester di un carta di re-entrada.
“Por lo general, si bo tin un permiso valido of verklaring cu ta mustra cu na Aruba bo por biba y traha, y e ta vigente, eigenlijk no mester di un carta di re-entrada.
E practica si ta mustra cu e personanan cu ta papia Spaño, toch ta pidi un carta di re-entrada, pasobra nos tin’e na cuater idioma, y e ta mustra cu persona ey ta biba y ta traha na Aruba. E ta un producto cu nos ta ofrece, e ta costa 40 florin, bo por aplica online riba nos ‘e hard disk’. Tin pago cu bo por haci na oficina di MFA, y e trayecto ey ta dura mas of menos un siman pa bo ricibie”, señora Paskel a menciona.
El a sigui bisa pa si e persona ta bay biaha no warda te ultimo dia pa pidi e carta aki, pero pidi’e na tempo y DIMAS lo tramit’e.
