ORANJESTAD (AAN): Grenspolitie riba peticion di Ministerio Publico, lo sigui cu accion di para viaheronan cu debe di boet durante e period di vakantie cu ta nos dilanti.
Personanan cu debe boet ta core riesgo di wordo deteni door di Grenspolitie y di lo no por sigui cu nan viahe te cu nan cumpli cu pagonan di nan multa(nan).
Esaki por tin, entre otro, como consecuencia cu hende ta perde avion. Si resulta cu un persona no por (o no kier) paga e boet, CEA lo traslada e persona aki pa KIA pa e cumpli cu su detencion. Pa cu e meta aki KIA a prepara caba celnan tanto pa hende homber como hende muher.
Ministerio Publico ta haci un yamado urgente na tur hende, especialmente na viaheronan, cu tin debe di boet pa paga esaki mas liher posible.
Tambe bo persona por paga na caha di Ministerio Publico despues di haci un afspraak via e website (www.omaruba.com). Si bo tin algun pregunta tocante bo boet, por manda esaki pa This email address is being protected from spambots. You need JavaScript enabled to view it.. Bo por haci uso alavez di e formulario di contacto riba e website pa haci pregunta.
