E momentum pa cumpra of bende bo cas:  Real Estate cu nos hende local

ORANJESTAD (AAN):  DIARIO a haya detayenan hopi importante relaciona cu e mundo di real estate cu ta revela

cu na e momento aki e oportunidad pa e localnan cu ta interesa of cu tin hopi tempo ta pensando riba e posibilidad di cumpra of bende un propiedad esaki ta e momento.

            Eva Wever,  cu ta hunto cu Bold Properties  a duna di conoce den entrevista cu DIARIO cu tin hende local cu kier bende su propiedad pasobra e kier inverti den algo otro ya sea un cas mas chikito , biba den condominium, of, inverti den un negoshi. 

            Esaki ta e momento!  For di luna di december 2024 te cu april 2025 ta drenta den e temporada di 'high  season' di real estate y esaki ta e momento pa cumpra of bende bo cas, of un tereno.

 Aworaki ta haya cu hopi di esnan cu ta bay cumpra, tanto local como 'non-residents' cu kier yega na  nan mesun cas. Pesey esaki ta e momento pa haci e inversion ey!

             Pa e local cu kier cumpra y cu ta bisa cu na 2025 e kier cuminsa traha su mesun cas ta hopi recomendabel pa e tin por lo menos 10% di su mesun inbrengst (deposito), di e valor di e propiedad.

            Di e forma aki banco sinti cu abo tambe ta haci bo esfuerso pa yega na bo cas propio.

 Tin un demanda grandi, tanto pa tereno como pa propiedad. Demanda ta  grandi pa cas of propiedad den e area di hospital. Tambe  na Noord y Westpunt semper e demanda semper ta keda hopi grandi como tambe otro lugarnan manera Koyari, Ponton, Centro di Oranjestad y Eagle.

            Pero actualmente, tambe tin hopi local ta buscando  propiedad cu ta rond di naturalesa, espacio mas pa relaha, leu di ciudad. Area nan mas pafo manera Santa Cruz, Sero Pita, Paradera, Matividiri tambe ta ser busca  pa inverti pa cas propio.

            Mirando e desaroyo aki por bisa cu esaki ta e momento pa e localnan, Eva Wever a duna di conoce.  El a agrega cu tambe tin hende cu ta pidiendo tereno na Sero Janchi, cu ta den  e areanan cu ta keda den demanda.

            Contact Eva Wever na tel: 560-0029 pa tur  informacion.  Si bo kier bende of cumpra un propiedad, laga nos guiabo y yudabo hasi bo soño realidad pa un aña nobo 2025!