Personal di Parke Arikok mes a bay cana durante bahada di solo

ORANJSTAD (AAN): Esnan di Aruba Conservation Foundation cu ta encarga cu Parke Arikok,

a cera e siman cu un experiencia unico, un experiencia cu a invita nan mesun team pa conecta cu naturalesa den un otro dimension.

   Un hike bou e bahada di solo den Cunucu Arikok a hiba nos na e Cas di Torto recientemente restaura unda cu Renwick Heronimo, kende ta curator di museo a conta storianan di con antepasadonan a biba riba e isla.

   E experiencia a sigui mas aya for di paisahe te na cielo y cu guia di Space and Nature Aruba Foundation, e team a descubri mas di con profundo naturalesa ta conecta nos, riba tera y mas aya.

   Na ACF, nan ta keda comprometi na inspira y educa e rangers pa sigui siña, comparti, y yuda otronan experiencia e maraviyanan di Aruba su naturalesa.