ORANJESTAD (AAN) Rubiella Toppenberg, Trahado Preventivo di FADA, den conferencia di prensa tocante Siman di Cinta Cora y di Bisti na Locura,
a sigui informa riba e siman di Cinta Cora. E di tres dia cu ta 29 di October, ta enfoca riba “Your Emotion Matters”.
“E dia aki nunca por lag’e afo di e siman, pasobra ta e ta e crazy socks day. E muchanan ta gusta esaki masha hopi mes, nos adultonan tambe ta participa hopi leuk. E dia aki nan ta bisti mea colorido, of cu nan ta decora, of un mea cu bo tin caba. Uza loke bo tin caba, sea creativo cu ne, no bay cumpra algo nobo. E di cuater dia (30 Octpber) ta e Crazy Hair, Unleash the crazy. Anto dia 31 ta ‘Pieces of positivity’. Anto eigenlijk e dia aki nos kier pa bo crea un puzzle cu un mensahe positivo. Abo mag di scoge con bo ta haci’e. Si bo kier crea un puzzle di papel, cartolin, riba to t-shirt bo kier pint’e; sea creativo con bo kier traha bo puzzle anto traha un mensahe positivo riba dje”, Rubiella Toppenberg a splica.
El a agrega cu e forma di participa e aña aki ta keda mesun cos. “Bo ta subi nos website, cu ta fada.aw anto riba dje bo ta bay haya e poster bo ta click riba dje, y un bez cu bo click bo ta haya espacio pa bo yena bo nomber, bo fam, bo ta yena e informacionnan cu e ta pidi, bo ta upload bo potret.
Corda cu ta potret solamente, no por ta video, e potret no por tin sticker pasobra no ta acepta esaki. Mester ta, literal, e potret so. Bo ta upload, nos ta ricibi y nos mes ta zorg pa pon’e den tur social media. Riba Facebook bo ta bay mira e potret, subi y like esaki; semper FADA tin premio durante e siman aki, y tambe e siman aki nos ta saca tur e ganadornan cu a participa. Tambe nos ta ricibi nos buttons, nan ta completamente gratis, nos ta ricibi solamente 500, esnan cu bin prome pasa, bo ta bisti esaki y bo ta demostra cu bo tambe ta den e campaña di Red Ribbon Week” Rubiella Toppenberg a relata. E ta invita henter pueblo di Aruba pa bin doe mee, y corda e muchanan pakico ta bisti’e pa hiba e campaña na otro exito e aña aki.
