Perseverancia visible riba e 3er dia Walk+Run 2022 di Aruba Bank

ORANJESTAD (AAN): Diaranson atardi a sigui cu e di tres dia di “Walk+Run 2022” di Aruba Bank,

e biaha aki denomina como ‘Roses Edition’.  E biaha aki e caminata y careda a sali for di Drive Thru Center di Aruba Bank na rotonde di Paradera.

   Diaranson e distancia tabata di 5.25 kilometer.  Y tabata fenomenal pa mira cu e perseverancia di e participantenan a resalta for di comienzo te fin.  Trafico den e area a bira un dolor di cabez un biaha mas, pero chauffeurnan tabatin pasenshi..

   Awe Diahuebs lo tin e ultimo walk y careda saliendo for di Aruba Bank su sede na Camacuri.  Aki e distancia ta di 5.6 km.  Na final lo bay tin presentacion di Ataniro riba escenario.